નવી દિલ્હી,

એવરેસ્ટ ક્ષેત્રમાં બનેલી આ દુર્ઘટનાથી આંતરરાષ્ટ્રીય સ્તરે ચકચાર

નેપાળના સોલુખુંબુ જિલ્લામાં આવેલા જાણીતા ફેરિચે હેલિપેડ પર બે હેલિકોપ્ટર લેન્ડિંગ કરવાની પ્રક્રિયામાં હતા તે દરમિયાન અચાનક સંજોગોવશાત લેન્ડિંગ ક્ષેત્રમાં એકબીજા સાથે ભીષણ રીતે અથડાઈ ગયા હતા. આ ગોઝારી દુર્ઘટનામાં નાગરિકનું ઘટનાસ્થળે જ કમનસીબ મોત નીપજ્યું છે, જેમાં મૃતક ભારતીય નાગરિક હોવાની પુષ્ટિ થઈ છે. પર્વતમાળાના અત્યંત દુર્ગમ વિસ્તારમાં બનેલી આ ઘટનાની જાણ થતાં જ નેપાળી સેના, સ્થાનિક પ્રશાસન અને રેસ્ક્યુ ટીમ તાત્કાલિક ઘટનાસ્થળે દોડી આવી હતી. સ્થાનિક તંત્ર દ્વારા આ અકસ્માત પાછળના ચોક્કસ કારણો જાણવા માટે ઉચ્ચ સ્તરીય તપાસના આદેશ આપવામાં આવ્યા છે.