રાજકોટ,

ફોર્મ ભૂલ બદલ કોલેજ જવાબદાર

રાજકોટની સૌરાષ્ટ્ર  યુનિવર્સિટી દ્વારા અંડર ગ્રેજ્યુએટ (UG) અને પોસ્ટ ગ્રેજ્યુએટ (PG) અભ્યાસક્રમોના સેમેસ્ટર-૧ ની પરીક્ષાઓની તારીખોમાં ફેરફાર કરવામાં આવ્યો છે. હવે અંડર ગ્રેજ્યુએટ (UG) સેમેસ્ટર-૧ ની પરીક્ષાઓ આગામી ૧૫ ડિસેમ્બરથી શરૂ થશે, જ્યારે પોસ્ટ ગ્રેજ્યુએટ (PG) સેમેસ્ટર-૧ ની પરીક્ષાઓ ૩૦ ડિસેમ્બરથી શરૂ કરવામાં આવશે. આ સાથે યુનિવર્સિટી દ્વારા કડક સૂચના આપવામાં આવી છે કે જો પરીક્ષા ફોર્મ ભરતી વખતે વિદ્યાર્થીના ડેટા કે વિગતોમાં કોઈ ભૂલ થશે, તો તેની સંપૂર્ણ જવાબદારી સંબંધિત કોલેજ પ્રશાસનની રહેશે. યુનિવર્સિટીના આ નિર્ણયથી હજારો વિદ્યાર્થીઓ સમયસર પરીક્ષાની તૈયારીઓ કરી શકશે.